ຈຸດປະສົງ ແລະ ໜ້າວຽກ

ພື້ນທີ່ຂອງແຄວ້ນ ອາກແດສ໌ ແລະ ຂອງແຂວງຄຳມ່ວນ ມີຈຸດພິເສດຫລາຍອັນທີ່ມີລັກສະນະຄ້າຍຄືກັນ ຊຶ່ງໃນນັ້ນ ຈຸດທີ່ເດັນອັນທີໜຶ່ງກໍ່ຄື ຄວາມສວຍສົດງົດງາມ ຂອງທຳມະຊາດຂອງເຂດພູຜາຫີນປູນ ທີ່ມີຂອງແຕ່ລະຝ່າຍ. ມໍລະດົກທາງທໍາມະຊາດດັ່ງກ່າວ ຍັງເປັນບ່ອນເກັບຮັກສາປະຫວັດຄວາມເປັນມາຂອງເຫດການທາງດ້ານທໍລະນີວິທະຍາອີກນຳ. ນອກຈານັ້ນອີກ, ທາງແຄວ້ນອາກແດສ໌ ຂອງຟະລັ່ງ ແລະ ແຂວງຄຳມ່ວນ ເປັນສອງເຂດ ທີ່ມີຄົນຢູ່ອາໄສ ມາໄດ້ຫລາຍພັນປີຜ່ານມາແລ້ວ ແລະ ຜູ້ຄົນທີ່ອາໄສ ຢູ່ໃນເຂດນີ້ກໍ່ຍັງມີການນຳໃຊ້ ແລະ ມີການພົວພັນມາຕະຫລອດບໍ່ວ່າທາງດ້ານວັດຖຸ (ແຫລ່ງຊັບພະຍາກອນທາງທຳມະຊາດ) ກໍ່ຄືທາງດ້ານຈິດໃຈ (ແນວຄວາມເຊື່ອຖື) ກັບສະພາບແວດທຳມະຊາດ ຂອງເຂດພູຜາຫີນປູນ.

ໃນໄລຍະທີ່ຜ່ານມາ ບັນດາພາກສ່ວນທີ່ມີສ່ວນຮ່ວມໃນການເຄື່ອນໄຫວວຽກງານຂອງໂຄງການ ຫີນປູນ ກໍ່ໄດ້ ທຳການລິເລີ່ມວຽກງານ ການສຳຫລວດ ແລະ ເກັບກຳຂໍ້ມູນ ໃນພື້ນທີ່ເຂດພູຜາຫີນປູນນີ້. ຈາກຄວາມຮັບຜິດຊອບຂອງທັງສອງ ອົງການ ເຕຕຼັກຕິດສ໌ ໂດຍເປັນການສົມທົບກັບທາງອົງການ ອີເຟຼມິດສ໌ (IFREEMIS) ສະຖາບັນຝຶກອົບ, ການຄົ້ນຄວ້າ ວິທະຍາສາດກ່ຽວກັບຖໍ້າ), ກໍ່ມີການສຶກສາ ແລະ ເກັບກຳຂໍ້ມູນມາແລ້ວ ເພື່ອເຮັດໃຫ້ເຫັນໄດ້ ຈຸດພິເສດຂອງທຳມະຊາດຂອງເຂດພູຜາຫີນປູນ :

• ການສຳຫລວດ ກ່ຽວກັບມໍລະດົກທາງດ້ານທຳມະຊາດ ຂອງເຂດພູຜາຫີນປູນ
• ການສຶກສາ ແລະ ເກັບກຳຂໍ້ມູນ ກ່ຽວກັບຊົນຊາດຊົນເຜົ່າ ຂອງຊຸມຊົນທີ່ມີໃນພື້ນທີ່
• ການວິເຄາະທາງດ້ານເສດຖະກິດຂອງເຂດພູຜາຫີນປູນ
• ການສຶກສາ ແລະ ເກັບກໍາຂໍ້ມູນ ເພື່ອເປັນການສົມທຽບ ໂຄງຮ່າງ ແລະ ຮູບແບບຂອງການຈັດຕັ້້ງ ໃນເຂດປ່າສະຫງວນນັ້ນ

ຜົນສະຫລຸບທີ່ອອກມາຈາກການສຶກສາ ແລະ ເກັບກໍາຂໍ້ດັ່ງກ່າວ ກໍ່ຈະໄດ້ທຳການສັງລວມ ເພື່ອເປັນການກະກຽມໃຫ້ແກ້ການຮັບຮອງໃນລະດັບສາກົນ ໃນຕໍ່ໜ້າ ຂອງເຂດພູຜາຫີນປູນ ເພື່ອໃຫ້ມີຄວາມຮັບປະກັນ ໃນການອະນຸລັກ ແລະ ການນໍາໃຊ້ໃຫ້ເກີດຜົນປະໂຫຍດທາງດ້ານເສດຖະກິດ ມໍລະດົກທີ່ມີ, ພ້ອມດຽວກັນນັ້ນ ກໍ່ໃຫ້ມີການຮັບປະກັນ ໃນການມີສ່ວນຮ່ວມຢ່າງແຂງແຮງ ຂອງຊຸມຊົນຊາວບ້ານ ໃນການບໍລິຫານ ແລະ ຈັດການໃນເຂດພື້ນທີ່ຂອງຕົນ.